ქმნი ერთი ფერის გამას – ნათელს, დახვეწილს, მშვიდს… ძირითადად არჩევ ბაცი ფერებიდან, იქნება ეს: ბეჟი, ნაცრისფერი, ქვიშისფერი, კრემისფერი. შეგიძლია შეარჩიო ღია ვარდისფერი, ცისფერი ან იასამნისფერიც;
იყენებ ძველ-მოდურ, ან ხელოვნურად დაძველებულ ავეჯს;
კარგი იქნება, თუ უპირატესობას ბუნებრივ მასალას მიანიჭებ – ხეს, ორგანულ ქსოვილებს, იშვიათად ქვას, ან ჭედურ ელემენტებს;
ვინტაჟის სტილში წარსულის ტრენდებს ირეკლავ, პირობითად ყველაფერს რაც 30 წელზე მეტს და 60 წელზე ნაკლებს ითვლის;
ოთახის დიზაინი ერთდროულად მარტივი და მომხიბვლელია. ნახეთქები, სიძველის ნიშნები სიმყუდროვის, სიმშვიდისა და ნოსტალგიის შეგრძნებას ტოვებს;
შეგიძლია ძველი და ახალი გააერთიანო, თუმცა აქცენტირება რამდენიმე სახასიათო ნივთზე გააკეთე, რომელიც განსაკუთრებულ ისტორიას, წარმომავლობას, ან ცნობადობას ატარებს.
ნებისმიერი ცვეთის ნიშანი – ნაკაწრი, ბზარი, ნახეთქი ორგანულად გამოიყურება;
გაფორმებისას, გამოიყენეთ ჭედური ელემენტები, ხის, ბრინჯაოს ან სპილენძის ფურნიტურა/აქსესუარები;
ავეჯის მაგალითები: კომოდი მოჩუქურთმებული სახელურებით, რბილი სკამები, დივანი ხის ელემენტებითა და მომრგვალებული ფეხებით, მაღალზურგიანი სავარძელი და მასიური სასადილო მაგიდა, საწოლი მოჩუქურთმებული, ან ჭედური თავით, სარწეველა სავარძელი, სკივრი…
